اداکارہ ثناءجاوید پر مختلف اداکاراؤں اور میک اپ آرٹسٹ کی جانب سے بدسلوکی کے الزامات سامنے آنے کے بعد قومی کھلاڑی شعیب ملک بھی میدان میں آ گئے ہیں۔
شعیب ملک نےسوشل میڈیا پر پیغام شیئر کرتے ہوئے ثناء جاوید کے ساتھ اپنے تجربے کا ذکر کیا، انھوں نے لکھا کہ میں ثناء جاوید کو کافی عرصے سے جانتا ہوں اور متعدد مرتبہ ان کے ساتھ کام کرنے کا موقع بھی ملا۔
شعیب ملک نے لکھا کہ میں اپنے ذاتی تجربے کی بنیاد پر بس اتنا کہہ سکتا ہوں کہ وہ ہمیشہ میرے اور اردگرد کے لوگوں کے ساتھ خوش اخلاق اور مہربان رہی ہیں۔
![](https://www.educationarc.com/wp-content/uploads/2022/03/279970_6924535_updates.jpg)
یاد رہے کہ ثناء جاوید نے شوبز انڈسٹری کے معروف میک اپ آرٹسٹس، ماڈلز اور اداکاروں کی جانب سے ان کے رویے پر لگائے گئے الزامات پر ایف آئی اے سائبر کرائم سے رابطہ کرتے ہوئے قانونی کارروائی کا بھی اعلان کر دیا ہے۔
ثناء جاوید کا کہنا تھا کہ اب یہ معاملہ قانونی حکام کے پاس ہے اور میں لوگوں کے اس گروہ کے خلاف تمام قانونی آپشنز استعمال کروں گی۔